Xalq deputatlari Andijon shahar Kengashi kotibiyati bosh mutaxassisi Shohabbos Yusupov deputat so‘rovlari va Kengash hujjatlari bilan ishlash yo‘nalishida amaliy ishlarni olib bormoqda.

Xususan, Andijon shahar hokimligi Devonxona va murojaatlar bilan ishlash bo‘limi boshlig‘i M. Ibrohimov bilan deputat so‘rovlarini ko‘rib chiqish, Kengash hujjatlarini yuritish hamda ularning ijrosini o‘z vaqtida ta’minlash masalalari yuzasidan amaliy muloqot o‘tkazildi.

Uchrashuv davomida hujjatlar bilan ishlash jarayonini tizimli tashkil etish, deputat so‘rovlarining ijrosini nazoratga olish va belgilangan muddatlarda natijadorlikni ta’minlash bo‘yicha vazifalar muhokama qilindi.

Mazkur yo‘nalishdagi ishlar izchil davom ettirilmoqda.