Xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassisi A.Temirov shahar Iqtisodiyot va moliya bo‘limi boshlig‘i birinchi o‘rinbosari G‘.Toshov bilan suhbat olib bordilar.

Deputatlar va shahar tashkilotlari o‘rtasidagi hamkorlikni kuchaytirish, qonun hujjatlari ijrosini joylarda nazorat qilish hamda deputatlik nazoratini amaliy va samarali tashkil etish maqsadida o‘tkazilgan mazkur tadbirda quyidagi masalalar tahlil qilindi:

O‘zbekiston Respublikasining 2013-yil 26-dekabrdagi “O‘zbekiston Respublikasining Budjet kodeksini tasdiqlash to‘g‘risida”gi O‘RQ-360-sonli Qonuni doirasida amalga oshirilayotgan ishlar;

mahalliy budjet mablag‘larining to‘g‘ri shakllantirilishi va maqsadli sarflanishi atroflicha tahlil qilindi.

Budjet mablag‘laridan foydalanishda shaffoflikni ta’minlash, iqtisodiy islohotlarning hududdagi natijadorligini oshirish hamda moliya bo‘limi tomonidan amalga oshirilayotgan tahliliy ishlar ko‘rib chiqildi.

Mas'ullar moliya bo‘limi mas’ullariga budjet intizomiga qat'iy rioya etish, mablag‘larni ijtimoiy-iqtisodiy rivojlanish uchun eng ustuvor loyihalarga yo‘naltirish hamda qonunchilik hujjatlariga so‘zsiz amal qilish yuzasidan tegishli ko‘rsatmalar berdi.