️Bu kabi qat’iy choralar hududlarda jamoat xavfsizligi va huquq-tartibotni ta’minlashda mas’uliyatni yanada oshiradi. Kriminogen vaziyatni barqarorlashtirish, jinoyatchilikning oldini olish va fuqarolarning osoyishtaligini ta’minlashda har bir rahbar o‘z xizmat vazifasiga mas’uliyat bilan yondashishi zarur.
➡️Rahbarlarga nisbatan intizomiy choralar ko‘rilayotgani tizimda talabchanlik va javobgarlik kuchaytirilayotganidan dalolat beradi. Ayniqsa, profilaktika, mahallalarda aholi bilan ishlash va muammolarni jinoyat sodir etilishidan avval bartaraf etishga alohida e’tibor qaratish lozim.
➡️Deputat sifatida fikrimcha, qonun ustuvorligi, jamoat xavfsizligi va fuqarolar tinchligini ta’minlashda sustkashlikka yo‘l qo‘yilmasligi kerak. Har bir mas’ul rahbar o‘z hududidagi vaziyat uchun shaxsan javobgar ekanini chuqur his etishi, xalq ishonchini oqlash va xavfsiz muhit yaratish yo‘lida bor kuchini safarbar qilishi lozim.