Viloyat deputati va tuman deputati hamkorlikda texnikumga tashrif buyurdi.

Xalq deputatlari Navoiy viloyati Kengashining 18-Toshrabot saylov okrugidan saylangan viloyat Kengashi deputati D.Shamsiyeva o‘z saylov okrugiga tashrif buyurdi.

Tashrif davomida tuman Kengashi deputati Sh.Usmonova bilan hamkorlikda tumandagi 1-son texnikumga borildi. U yerda ta’lim jarayoni, mavjud shart-sharoitlar hamda o‘quvchilarga yaratilgan imkoniyatlar bilan tanishildi.

Shuningdek, ta’lim sifatini yanada oshirish va mavjud muammolarni bartaraf etish yuzasidan tegishli taklif va tavsiyalar berildi.