TURAQLÍ KOMISSIYA BASLÍǴÍ RAYONDAǴÍ SALÍQ INSPEKCIYASÍNÍŃ JUMÍSÍN ÚYRENDI

♻️ Xalıq deputatları Shımbay rayonlıq Keńesiniń Jergilikli byudjetti qáliplestiriw, ekonomikalıq reformalardı ámelge asırıw hám isbilermenlikti rawajlandırıw máseleleri boyınsha turaqlı komissiyasınıń baslıǵı Q.Xamidullaev rayonlıq Salıq inspekciyasında bolıp, mákeme jumısı menen jaqınnan tanıstı.

Úyreniw dawamında byudjet túsimlerin támiyinlew, salıq jıyımların óz waqtında óndiriw, salıq qarızdarlıǵın qısqartıw, isbilermenlik subektlerine kórsetilip atırǵan xızmetlerdiń sapası hám sanlı salıq xızmetlerin keńnen engiziw baǵdarında ámelge asırılıp atırǵan jumıslar dodalandı. Sonday-aq, salıq nızamshılıǵınıń orınlanıwı hám aymaqta ekonomikalıq belsendilikti arttırıwǵa qaratılǵan ilajlar boyınsha juwapkerler menen pikir alısıldı.

Turaqlı komissiya baslıǵı tárepinen jumıs nátiyjeliligin bunnan bılay da arttırıw, salıq tólewshiler menen ashıq-aydın pikirlesiwdi kúsheytiw hám byudjet dáramatların kóbeytiwge xızmet etetuǵın bar imkaniyatlardan nátiyjeli paydalanıw boyınsha tiyisli usınıs hám usınıslar bildirildi. Salıq inspekciyalarınıń tiykarǵı wazıypaları salıq túsimlerin támiyinlew, salıq tólewshilerdiń esabın júrgiziw hám nızamshılıqtıń orınlanıwın qadaǵalawdı óz ishine aladı.