“Do‘stlik” MFYda mahalla xotin-qizlar faolining ishlari o‘rganildi

Xalq deputatlari Muzrabot tumani Kengashiga 17-Do‘stlik saylov okrugidan saylangan deputati Sidnenko Vera tumandagi “Do‘stlik” mahallasida bo‘lib, tuman Kengashi kotibiyati bosh mutaxassisi B.Xoliqov hamrohligida Mahalliy Kengash deputati faoliyatining eng muhim yo‘nalishlari bo‘yicha tavsiyalar asosida mahalla xotin-qizlar faoli faoliyati bilan yaqindan tanishdilar.

Tashrif davomida deputat mahallada xotin-qizlar bilan ishlash tizimi, ularning ijtimoiy-iqtisodiy faolligini oshirish, bandligini ta’minlash, tadbirkorlikka jalb etish hamda ehtiyojmand oilalarni qo‘llab-quvvatlash borasida amalga oshirilayotgan ishlarni atroflicha o‘rgandi.

Jumladan, xotin-qizlar faoli tomonidan olib borilayotgan ishlar, yuritilayotgan “ayollar daftari” doirasidagi choralar, muammoli oilalar bilan individual ishlash holati tahlil qilindi.

O‘rganish jarayonida xotin-qizlarning jamiyatdagi o‘rnini mustahkamlash hamda ularning huquq va manfaatlarini himoya qilish borasida aniq chora-tadbirlar ishlab chiqish zarurligi ta’kidlandi.