Xo‘jaobod mahallasida Kengash raisi tashabbusi bilan ichki yo‘lni asfaltlash ishlari boshlandi

Xalq deputatlari Pop tumani Kengashi raisi N. Abrarov tomonidan Xo‘jaobod mahallasidagi 850 metr uzunlikdagi ichki yo‘lni asfaltlash masalasi yuzasidan tuman Obodonlashtirish boshqarmasiga deputatlik so‘rovi yuborilgan edi.

Mazkur deputatlik so‘roviga javoban, O‘zbekiston Respublikasi Vazirlar Mahkamasining 2024-yil 11-oktabrdagi 665-son qaroriga muvofiq, Pop tumani Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari doirasida ushbu yo‘lni asfaltlash ishlari boshlab yuborildi.

Ushbu ishlar mahalla aholisiga qulay va xavfsiz harakatlanish sharoitlarini yaratish, ichki yo‘llar infratuzilmasini yaxshilash hamda fuqarolar murojaatlarida ko‘tarilgan muammolarni hal etishga xizmat qiladi.