Xalq deputatlari Bekobod tumani Kengashi raisi Y.Mo‘minova hamda O‘zbekiston Liberal-demokratik partiyasidan saylangan deputat X.Jumabayev Xos mahallasida bo‘lib, mahalla yettiligi tomonidan amalga oshirilayotgan ishlarning samaradorligini atroflicha o‘rgandilar.

🔎 O‘rganish davomida, ayniqsa, aholini kambag‘allikdan chiqarish, fuqarolar bandligini ta’minlash, daromadlarini oshirish hamda oilalarning ijtimoiy-iqtisodiy holatini yaxshilash borasida olib borilayotgan ishlar tahlil qilindi.

🤝 Asosiy e’tibor — har bir xonadonning muammosini o‘rganish, mavjud imkoniyatlardan samarali foydalanish va fuqarolar uchun munosib daromad manbalarini yaratishga qaratildi.

📌 Maqsad aniq: mahallalarda farovon hayot, oilalarda barqaror daromad va aholi uchun yangi imkoniyatlar yaratish!