🚛 Boyqishloq mahallasida obodonchilik ishlari jarayonida

Xalq deputatlari Sherobod tumani Kengashi raisi, 25-Tallashqon saylov okrugidan saylangan deputat Tursunov Otabek Tojiyevich o‘ziga biriktirilgan «Boyqishloq» mahallasida obodonchilik va hududlarni tartibga keltirish borasida amalga oshirilayotgan ishlarni o‘rganish jarayonida maishiy chiqindilarni hududdan olib chiqib ketayotgan «Toza hudud»ning maxsus texnikalari faoliyatiga ham e’tibor qaratdi.

🤝 Shu jarayonda deputat «Toza hudud» xodimlari bilan suhbatlashib, mahallada chiqindilarni o‘z vaqtida olib chiqib ketish, hududlarning sanitariya holatini saqlash va obodonchilik ishlarini samarali tashkil etish masalalari yuzasidan fikr almashdi.

🌿 O‘rganish davomida mahallada tozalik va obodonlikni ta’minlash borasidagi ishlarni yanada yaxshilash, mavjud masalalarni o‘z vaqtida hal etish bo‘yicha tegishli vazifalar belgilab olindi.

✨ Obod mahalla — toza muhitdan boshlanadi!

Xalq deputatlari Sherobod tumani Kengashi kotibiyati matbuot xizmati.