Xalq deputatlari Andijon shahar Kengashi deputati Avazbek Appaqovga kelib tushgan fuqaro murojaati joyiga chiqqan holda o‘rganildi.

Deputat Madaniyat MFY raisi bilan birgalikda fuqaroning yashash xonadoniga borib, murojaatda ko‘rsatilgan masalalar, yashash sharoiti hamda mavjud muammolarni joyida ko‘zdan kechirdi.

O‘rganish yakunlari bo‘yicha tegishli dalolatnoma tuzilib, murojaatni ijobiy hal etish imkoniyatlari ko‘rib chiqildi.

Fuqaroga uy-joyini ta’mirlash uchun “Temir daftar”, “Ayollar daftari”, “Yoshlar daftari” kabi ijtimoiy daftarlar orqali amaldagi tartibda yordam olish imkoniyatlari yuzasidan batafsil tushuntirish berildi.

Murojaat yuzasidan tegishli mas’ullar bilan hamkorlikda amaliy choralar ko‘rilishi belgilandi.