Kengash qarori ijrosi o‘rganildi

Xalq deputatlari Qo‘shko‘pir tuman Kengashi raisi M. Tangriberaganov, deputat D. Sattorova hamda Kotibiyat bosh mutaxassisi S. Matyaqubovalar Xalq deputatlari Qo‘shko‘pir tuman Kengashining 2026-yil 10-iyuldagi VII-31-66-12-172-K/26-son “Qo‘shko‘pir tumani «Infratuzilma va ijtimoiy barqarorlik» jamg‘armasi hisobidan mablag‘ ajratish to‘g‘risida”gi qarori ijrosini o‘rgandilar.

O‘rganish davomida qarorda belgilangan vazifalarning amalda bajarilishi, ajratilgan mablag‘larning maqsadli va samarali yo‘naltirilishi hamda belgilangan tadbirlarning o‘z vaqtida amalga oshirilishi holati tahlil qilindi.

Shuningdek, hududlarda infratuzilmani yaxshilash, aholi uchun qulay va munosib shart-sharoitlar yaratish, ijtimoiy masalalarni manzilli hal etish borasidagi ishlar ko‘zdan kechirildi.

O‘rganish yakunida qaror ijrosini ta’minlash, ajratilgan mablag‘lardan oqilona va samarali foydalanish hamda belgilangan vazifalarni sifatli amalga oshirish yuzasidan tegishli tavsiya va ko‘rsatmalar berildi.

Asosiy maqsad — mablag‘lardan samarali foydalanish orqali hudud infratuzilmasini rivojlantirish, aholi farovonligini oshirish va ijtimoiy barqarorlikni ta’minlash.