"Máhállede abadanlıq hám miyrim-shápáát aylıǵı" sheńberinde Xalıq deputatları Bozataw rayonlıq Keńesiniń 3-sanlı "Mádeniyat" saylaw okruginen (ÓzXDP) saylanǵan deputat G.Yusupovanıń baslaması menen rayon orayındaǵı "Ózbekstan" kóshesi boyında keń kólemli abadanlastırıw jumısları ámelge asırıldı.
Abadanlastırıw jumısı dawamında kóshe boyları tazalanıp, qaldıqlar jıynap alındı, shópler alıp taslandı, kóklemzarlastırıw hám sanitariyalıq tazalıqtı támiyinlewge qaratılǵan bir qatar ámeliy jumıslar orınlandı. Sonday-aq, aymaqtıń kórkem kórinisin jaqsılaw hám puqaralar ushın qolaylı ortalıq jaratıw maqsetinde tártipke salıw jumıslarına ayrıqsha itibar berildi.
Abadanlastırıw jumıslarına deputat penen bir qatarda máhálle belsendileri, jaslar hám puqaralar belsene qatnasıp, birgelikte kúsh penen kóshelerdi taza hám kórkem saqlawǵa óz úleslerin qostı.
Bunday ilajlar "Máhállede abadanlıq hám miyrim-shápáát aylıǵı"nıń tiykarǵı maqsetlerine muwapıq, eldi abadanlastırıw, ekologiyalıq mádeniyattı arttırıw, puqaralarda ulıwmalıq juwapkershilik sezimin bekkemlew hám máhállede qolaylı jasaw ortalıǵın jaratıwǵa qaratılǵan gezektegi áhmietli ámeliy jumıs esaplanadı.