Xalq deputatlari Bag‘dod tumani Kengashining 17-Samandarak saylov okrugi deputati I.Axmedov, Kengash kotibiyati mudiri G‘.Abdullayev hamda kotibiyat bosh mutaxassisi U.Raximjonov tomonidan Xalq deputatlari Bag‘dod tumani Kengashining navbatdagi sessiyasi kun tartibiga kiritilgan masala yuzasidan joyiga chiqib o‘rganish ishlari amalga oshirildi.

📍 O‘rganish jarayonida Samandarak mahalla fuqarolar yig‘ini hududida 5 gektar maydonda tashkil etilayotgan “Hunarmandlar sanoat zonasi”dagi amalga oshirilayotgan ishlar bilan yaqindan tanishildi.

🔧 Xususan, mazkur hududda faoliyat olib borayotgan tuman Obodonlashtirish boshqarmasi balansidagi maxsus texnikalarning uzluksiz ishlashini ta’minlash maqsadida ularning ehtiyot qismlarini xarid qilish uchun tuman mahalliy budjetining qo‘shimcha manbalari hisobidan mablag‘ ajratilishi rejalashtirilganligi yuzasidan deputatlar tomonidan atroflicha o‘rganish olib borildi.

📋 O‘rganish davomida mazkur mablag‘ning maqsadli va samarali yo‘naltirilishi, ajratilayotgan mablag‘ning zaruriyati hamda amalga oshirilayotgan bunyodkorlik ishlari tahlil qilindi.

✅ Mazkur masala bo‘yicha o‘rganish natijalari Xalq deputatlari Bag‘dod tumani Kengashining navbatdagi sessiyasida ko‘rib chiqiladi.