Xalq deputatlari Nurobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi X.Xazratova, doimiy komissiyalarga biriktirilgan vakil hamda Xalq deputatlari Nurobod tumani Kengashi huzuridagi ekspert guruhi a’zosi G.Mirzayevalar ishtirokida 1-Nurobod saylov okrugiga qarashli Amir Temur mahallasida O‘zbekiston Respublikasining 2016-yil
16-sentabrdagi “Ichki ishlar organlari to‘g‘risida”gi O‘RQ-407-son Qonuni ijrosi yuzasidan o‘rganish ishlari olib borildi.

✏️O‘rganish davomida mahallada jamoat tartibini saqlash, huquqbuzarliklarning oldini olish, fuqarolarning murojaatlari bilan ishlash hamda ichki ishlar organlari va mahalla fuqarolar yig‘ini o‘rtasidagi hamkorlikning amaliy holati tahlil qilindi.

💬Shuningdek, qonun hujjatlarida belgilangan vazifalarning ijrosini yanada takomillashtirish, aholi o‘rtasida huquqiy targ‘ibot ishlarini kuchaytirish va mavjud muammolarni bartaraf etish bo‘yicha tegishli tavsiya hamda takliflar ishlab chiqildi.

Xalq deputatlari Nurobod tumani Kengashi tomonidan qonun hujjatlari ijrosi ustidan jamoatchilik va deputatlik nazoratini kuchaytirish, hududlarda mavjud muammolarni o‘rganish hamda ularni bartaraf etishga qaratilgan tizimli ishlar izchil davom ettirilmoqda.