Xalq deputatlari Toshloq tuman Kengashi deputatlari R.Matqulov va D.Jo‘rayevalar tomonidan Turvat mahalla fuqarolar yig‘inida “mahalla yettiligi” faoliyati atroflicha o‘rganildi.

O‘rganish jarayonida kambag‘allikni qisqartirish maqsadida ajratilgan 10 million so‘m imtiyozli kredit asosida fuqaro tomonidan yo‘lga qo‘yilgan qo‘ziqorinchilik faoliyati bilan yaqindan tanishildi. Ushbu tashabbus aholining daromadini oshirish, bandligini ta’minlash va mahallada tadbirkorlikni rivojlantirishda muhim omil bo‘lib xizmat qilayotgani ta’kidlandi.

Shuningdek, o‘rganish davomida hokim yordamchisi tomonidan aholini bandligini ta’minlash, yangi ish o‘rinlari yaratish, kredit ajratish, tomorqa yerlaridan samarali foydalanish, kambag‘allikdan chiqarish, tadbirkorlikni rivojlantirish va aholi daromadlarini oshirish borasida amalga oshirilgan ishlar tahlil qilindi.