Qaraqalpaqstan Respublikası Joqarǵı Keńesi komitet baslıǵı Sh.Ótemisovtıń basshılıǵında Taxtakópir rayonı hákimliginiń májilisler zalında rayonlıq Keńes deputatları, siyasiy partiyalardıń wákilleri hám Keńes janında jumıs alıp barıp atırǵan jaslar másláhát toparınıń aǵzaları menen ushırasıw bolıp ótti.

Ushırasıw dawamında jergilikli Keńes jumısınıń nátiyjeliligin arttırıw, deputatlardıń máhállelerdegi "jetilik" penen birge islesiwin jáne de kúsheytiw, xalıqtıń múrájatları hám mashqalaların mánzilli sheshiw máseleleri dodalandı.

Sonday-aq, jaslar másláhát toparınıń jumısın jáne de janlandırıw, jaslardıń baslamaların qollap-quwatlaw hám deputatlardıń jumısına járdemlesiw baǵdarında ámelge asırılıwı kerek bolǵan wazıypalar boyınsha pikir alısıldı.

Ilaj juwmaǵında aldaǵı áhmiyetli wazıypalar belgilep alınıp, juwapkerlerge tiyisli usınıs hám tapsırmalar berildi.