Sessiyada kun tartibiga kiritilgan muhim masalalardan biri — “Bekobod tumanida yoshlarning yozgi ta’tilini mazmunli va samarali tashkil etishga qaratilgan “Dolzarb 90 kun” amaliy tadbirlar dasturini tasdiqlash to‘g‘risida”gi masala ko‘rib chiqildi.
Mazkur dastur yoshlarning bo‘sh vaqtini mazmunli tashkil etish, ularning intellektual, ma’naviy va jismoniy salohiyatini rivojlantirish, sport, madaniyat, ta’lim hamda kasb-hunarga yo‘naltirishga qaratilgan keng ko‘lamli tadbirlarni o‘z ichiga oladi.
Sessiya yakunida “Dolzarb 90 kun” amaliy tadbirlar dasturini tasdiqlash yuzasidan tegishli qaror qabul qilindi.
✨ Yoshlar — kelajagimiz bunyodkorlari! Ularning har bir kuni mazmunli va samarali o‘tishi uchun “Dolzarb 90 kun” loyihasi amalda!