O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida” PQ-141-son Qarori ijrosining ta’minlanishi bo‘yicha amalga oshirilayotgan ishlar yuzasidan o‘rganishlar davom ettirildi.

Xalq deputatlari Muzrabot tumani Kengashiga 20-Qozoyoqli saylov okrugidan saylangan deputat Musayev Lazizjon hamda tuman Kengashi kotibiyati mudiri Sherboyev Dilmurodlar tomonidan mahallada yangi davlat maktabgacha ta’lim tashkilotini qurish va jihozlash ishlari holati o‘rganildi.

Mazkur qurilish-ta’mirlash ishlari “TALLASHQON-INVEST” tomonidan amalga oshirilmoqda.

Hozirda qurilish obyektida g‘isht terish ishlari to‘liq bajarilib, binoda elektr ulash ishlari va ichki suvoqlash ishlari bajarilmoqda.

O‘rganish jarayonida qurilish maydonidagi ishlarning borishi, binoning loyiha asosida barpo etilishi, foydalanilayotgan qurilish materiallarining sifati hamda obyektni zamonaviy jihozlar bilan ta’minlash masalalariga alohida e’tibor qaratildi.

Mazkur davlat maktabgacha ta’lim tashkilotining foydalanishga topshirilishi mahalladagi bolajonlar uchun zamonaviy va qulay ta’lim-tarbiya muhitini yaratish, maktabgacha ta’lim qamrovini kengaytirish hamda aholiga yanada qulay shart-sharoitlar yaratishga xizmat qiladi.

O‘rganish yakunida deputat tomonidan mutasaddilarga qurilish-ta’mirlash ishlarini sifatli va belgilangan muddatlarda yakunlash yuzasidan tegishli tavsiya hamda ko‘rsatmalar berildi.