Xalq deputatlari Navoiy shahar Kengashi kotibiyati tomonidan o‘rganish ishlari amalga oshirildi

Xalq deputatlari Navoiy shahar Kengashi kotibiyati mudiri hamda kotibiyat bosh mutaxassisi D. Toirovlar tomonidan “Bunyodkor” mahalla fuqarolar yig‘inining ijtimoiy xodimi Muxayyo Nurmatovaning ish faoliyati o‘rganildi.

O‘rganish jarayonida ijtimoiy xodim tomonidan mahalla hududida ijtimoiy himoyaga muhtoj oilalar bilan ishlash, fuqarolarning murojaatlarini o‘z vaqtida ko‘rib chiqish, shuningdek, ularni ijtimoiy himoya tizimiga kiritish bilan bog‘liq jarayonlar tahlil qilindi.

Ma’lumki, fuqarolarni ijtimoiy himoya tizimiga kiritish hamda ularga davlat ijtimoiy yordamlarini tayinlash jarayonlari O‘zbekiston Respublikasi Vazirlar Mahkamasining 2023-yil 29-dekabrdagi 681-son qarori bilan tasdiqlangan “Ijtimoiy himoya yagona reyestri” axborot tizimi orqali belgilangan tartibda amalga oshiriladi.

Mazkur qarorga muvofiq, ijtimoiy reyestrga fuqarolar mahalla darajasida ijtimoiy xodimlar tomonidan o‘rganilib, ularning ijtimoiy holati tegishli mezonlar asosida baholanadi hamda vakolatli organlar tomonidan tasdiqlanadi.
Shuningdek, ijtimoiy xodim faoliyatida ijtimoiy himoyaga muhtoj oilalarni aniqlash, ularni reyestrga kiritish uchun zarur ma’lumotlarni shakllantirish hamda tegishli tashkilotlar bilan hamkorlik qilish holati ham o‘rganildi.

O‘rganish yakunlariga ko‘ra aniqlangan ayrim kamchilik va takliflar yuzasidan tegishli tavsiyalar berildi hamda ish faoliyatini yanada takomillashtirish bo‘yicha zarur chora-tadbirlar belgilab olindi.
Mazkur o‘rganish ishlari mahalla darajasida ijtimoiy himoya tizimi samaradorligini oshirishga xizmat qiladi.