Murojaatni o‘rganish jarayonida Xalq deputatlari Marg‘ilon shahar Kengashi kotibiyat mudiri A.Ermatov hamda Korrupsiyaga qarshi kurashish va xavfsizlik masalalari bo‘yicha doimiy komissiya raisi X.Abdurahmonov tomonidan fuqaroning muammosi atroflicha tinglandi.

Masalani tezkor va qonuniy tartibda hal etish maqsadida Kadastr agentligi Marg‘ilon shahar filiali bo‘limi boshlig‘i bilan bog‘lanib, murojaatda ko‘tarilgan masala yuzasidan zarur ma’lumotlar olindi. Shundan so‘ng fuqaroga amaldagi qonunchilik talablari asosida huquqiy tushuntirishlar berildi.

Ta’kidlanganidek, fuqarolarning yer va mulk huquqlari bilan bog‘liq masalalarda huquqiy savodxonligini oshirish, ularning murojaatlariga o‘z vaqtida javob qaytarish hamda tegishli tashkilotlar bilan hamkorlikda muammolarga yechim topish muhim ahamiyat kasb etadi.

Mazkur murojaatni ko‘rib chiqish jarayonida fuqaroga kadastr hujjatlarini rasmiylashtirish va tegishli tartib-taomillar bo‘yicha batafsil ma’lumotlar taqdim etildi.