Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va kotibiyat xodimi M.Tursunbayeva tomonlaridan tumandagi sport maktabida sportchilar uchun yaratilgan shart-sharoitlar, o‘quv-mashg‘ulot jarayonlari hamda moddiy-texnik baza holati o‘rganildi.

🔺Tashrif davomida sport zallari, mashg‘ulot maydonchalari, sport anjomlari bilan ta’minlanganlik darajasi, kiyinish va yuvinish xonalari, tibbiy xizmat ko‘rsatish hamda xavfsizlik choralarining tashkil etilganligi ko‘zdan kechirildi.

🔺Deputat sport maktabi rahbariyati va murabbiylar bilan suhbatlashib, o‘quvchilarni sportga keng jalb etish, iqtidorli yoshlarni saralab olish va ularning mahalliy hamda respublika musobaqalarida ishtirokini ta’minlash masalalari yuzasidan fikr almashdi.

🔺Tashrif yakunida sport maktabining moddiy-texnik bazasini yanada mustahkamlash, zamonaviy sport anjomlari bilan ta’minlash va sport infratuzilmasini rivojlantirish bo‘yicha taklif va tavsiyalar bildirildi. Shuningdek, yoshlar o‘rtasida ommaviy sportni keng targ‘ib qilish va iqtidorli sportchilarni har tomonlama qo‘llab-quvvatlash ishlarini izchil davom ettirish zarurligi qayd etildi.