Baxmal tumanida intensiv bog‘lar barpo etish ishlari davom etmoqda

Davlatimiz raxbarining “2026–2027-yillarda Jizzax viloyatini ijtimoiy-iqtisodiy rivojlantirishni jadallashtirish bo‘yicha qo‘shimcha chora-tadbirlar to‘g‘risida”gi qarori asosida Baxmal tumanida intensiv bog‘dorchilikni rivojlantirish va eski bog‘larni yangilash ishlari olib borilmoqda.

Hozirda tumandagi 17 ta mahalla hududida jami 1500 gektar eski bog‘lar o‘rnida zamonaviy intensiv bog‘lar barpo etish rejalashtirilgan.

Joriy mavsumda 1500 gektar maydonda yangilash ishlari davom etmoqda.

Yangilanayotgan maydonlarda yuqori hosildor, eksportbop olma va nok navlari ekilib, zamonaviy agrotexnologiyalar qo‘llanilmoqda.

Xalq deputatlari tuman Kengashi deputatlari A. Ergashev va N.Abduaxatovlar hududlarda bo‘lib, ishlar borishi bilan tanishdi hamda yer maydonlaridan samarali foydalanish va sifatga alohida e’tibor qaratish bo‘yicha mas’ullarga topshiriqlar berdi.