Xalıq deputatları Qaraózek rayonlıq Keńesi hám rayon hákimligi, shańaraq hám hayal-qızlar bólimi, rayonlıq mektepke shekemgi hám mektep bilimlendiriw bólimleri birgelikte Mádeniyat awıl puqaralar jıyınındaǵı 8-sanlı mektepte aymaqtaǵı bilimlendiriw mákemelerinde islewshi xızmetkerler, máhálle wákilleri arasında ushırasıw ótkerdi. Ushırasıwda Xalıq deputatları Qaraózek rayonlıq Keńesi baslıǵı G.Yusupova, aymaqtan deputat S.Sayımova , rayon hákimi orınbasarı, shańaraq hám hayal qızlar bólimi baslıǵı R.Sagidullaeva hám mektepke shekemgi hám mektep bilimlendiriw bólimi, ishki isler bólimi, din isleri boyınsha wákiller qatnastı. Ushırasıwda tiykarınan jaslar tárbiyası, jınayatshılıq hám kiberqáwipsizlik, salamat turmıs tárizi hámde bul baǵdarda bilimlendiriw tarawına tiyisli bir qatar máselelerde taraw wákilleri menen pikir alısılıp, maqsetli birge islesiw ilajları belgilendi.