Xalq deputatlari Uzun tumani Kengashi raisi Dilorom Safarova qurilish sohasidagi muammolar yuzasidan yig‘ilish o‘tkazdi

Uzun tumanida islohotlar samaradorligini oshirish va hududni ijtimoiy-iqtisodiy rivojlantirishga qaratilgan tizimli ishlar izchil davom etmoqda. O‘zbekiston Respublikasi Prezidenti tomonidan 2025-yil 16-iyun kuni o‘tkazilgan videoselektor yig‘ilishining 28-son topshiriqlar bayoni 25-bandi hamda viloyat hokimining 2026-yil 31-yanvardagi 71-8-0-Q/26-sonli qaroriga muvofiq tumanda “Islohotlar shtabi” tashkil etildi.

️Mazkur shtab bilan hamkorlikda tumanni kompleks rivojlantirish, yangi imkoniyat va tashabbuslarni qo‘llab-quvvatlash maqsadida 6 ta ustuvor yo‘nalish bo‘yicha ishchi guruhlar shakllantirildi. Xususan, 4-ishchi guruh tomonidan qurilish hamda mahallalarda infratuzilmani rivojlantirish borasida amalga oshirilayotgan ishlar atroflicha tahlil qilindi.

Kengash raisi raisligida o‘tkazilgan yig‘ilishda islohotlarning joylardagi ijrosini kuchaytirish, qurilish va infratuzilma loyihalarini jadallashtirish hamda aholini qiynayotgan masalalarni tezkor hal etish ustuvor vazifa etib belgilandi.