Ózbekstan Xalıq demokratiyalıq partiyası Qaraqalpaqstan Respublikası Keńesi tárepinen "Eń belsendi deputat" tańlawınıń Qaraqalpaqstan
Respublikası basqıshı ótkerildi. 

"Baslama hám ideyalarımız ǵárezsiz, jańa Ózbekstannıń rawajlanıwı ushın!" súreni astında ótkerilgen tańlawdıń tiykarǵı maqseti "Ózbekstan-2030" strategiyasınıń "Qorshaǵan ortalıqtı saqlaw hám jasıl ekonomika" jılında ámelge asırıwǵa baylanıslı Mámleketlik baǵdarlamanıń partiya saylawaldı baǵdarlamasına tiyisli bántleriniń orınlanıwın támiyinlewde jergilikli Keńeslerdegi deputatlıq toparlardıń jumıs nátiyjeliligin arttırıw, partiyanıń saylawaldı baǵdarlamasınıń orınlanıwın támiyinlewde barlıq dárejedegi deputatlıq korpusınıń potencialın jetilistiriwden ibarat. 

Tańlawdı Ózbekstan Xalıq demokratiyalıq partiyası Qaraqalpaqstan Respublikalıq Keńesiniń Baslıǵı, Qaraqalpaqstan Respublikası Joqarǵı
Keńesindegi ÓzXDP frakciyasınıń basshısı X.Eshimbetov ashıp berdi hám qızǵın qutlıqladı. 

Tańlawda rayon hám qala basqıshınıń jeńimpazları 3 shárt, yaǵnıy, xalıqtıń mashqalasın sheshiwdiń eń nátiyjeli jolı, siyasiy jedellik hám mashqalanı
sheshiw shártleri boyınsha óz bilim hám tájiriybelerin kórsetti. 

Tóreshiler quramınıń bahalaw nátiyjesine bola 3-"Mádeniyat" saylaw okruginen Xalıq deputatları Bozataw rayonlıq Keńesiniń deputatı Ysupova
Gulxatiysha "Jıldıń eń jaqsı deputat hayalı" nominaciyaları berildi. 

Jeńimpazlar arnawlı diplom hám estelik sawǵaları menen sıylıqlandı.