Xalq deputatlari Payariq tumani Kengashi deputati, 22-saylov okrugi vakili Xusniya Raxmonova joriy yilning avgust oyida Bobur mahallasida joylashgan 74-sonli umumta’lim maktabida bo‘lib, ta’lim muassasasining yangi 2025–2026-o‘quv yiliga ko‘rilayotgan tayyorgarlik ishlarini o‘rgandi.

Tashrif davomida deputat maktabdagi isitish va sovutish tizimlarining kuz-qish mavsumiga tayyorgarligi, infratuzilma va xo‘jalik ishlari holati bilan tanishdi. Ushbu jarayonda maktab ma’muriyati va xo‘jalik ishlari bo‘yicha mas’ul xodimlar bilan muloqot qilinib, mavjud muammolar va ularni bartaraf etish choralari muhokama qilindi.

Shuningdek, o‘quvchilar uchun qulay va xavfsiz muhit yaratish, dars jarayonlarini sifatli tashkil etish maqsadida amalga oshirilayotgan ishlar deputat e’tiborida bo‘ldi. Maktabda ta’mirlash va obodonlashtirish ishlarining holati ham ko‘zdan kechirildi.