Boyovut tumani "Navbahor" mahallasi hududida joylashgan 48-, 49- va 53-maktablarda 2025/2026 o‘quv yiliga puxta tayyorgarlik ishlari deputat Jumavoy Rahmonqulov tomonidan o‘rganish olib bordi.

🔹 48-maktab to‘liq ta’mirlanib, yangi o‘quv yilini boshlashga to‘liq tayyor holga keltirildi.

🔹 49-maktabning eski binosi kapital ta’mirdan chiqarilib, sinf xonalari foydalanishga tayyor. O‘quvchilarning ta’lim olishida hech qanday to‘siq bo‘lmaydi. Shu bilan birga, yangi qurilayotgan korpus va sport zalida qurilish ishlari davom etmoqda. Mutasaddilar bu obyektlar yaqin oylarda yakunlanishini ma’lum qilishdi. Ishlar jadal sur’atda olib borilmoqda.

🔹 53-maktabda sinf xonalari tayyor, ammo parta, stol-stul va doskalar hali o‘rnatilmagan. Ular 1-sentabrga qadar o‘rnatilishi rejalashtirilgan. Sport zal qurilishi ham davom etmoqda va yaqin 10 kun ichida yakunlanishi kutilmoqda.

✅ Umuman olganda, uchala maktabda ham yangi o‘quv yilini muammosiz boshlash uchun barcha zarur choralar ko‘rilmoqda.