Нөкис районы “Тақыркөл” аўыл пуқаралар жыйыны аймағында жаңадан 18-санлы мектепке шекемги билимлендириў шөлкеми пайдаланыўға тапсырылды. 

Ашылыў салтанатына район ҳәкими З.Зайтов, нураныйлар ҳәм кең жәмәәтшилик ўәкиллери қатнасты.

Имараттың ашылыў салтанатында район ҳəкими З.Зайтов шығып сөйлеп, келешегимиз ийелери болған жас әўладтың кәмил инсан болып жетилисиўине мектепке шекемги билимлендириўдиң айрықша орны бар екенлигин атап өтти ҳәм Ғәрезсизлигимиздиң 34 жыллық байрам мүнәсибети менен жыйналғанларды қутлықлады. 

Буннан кейин илаж қатнасыўшылары тәрепинен жаңадан ашылған мектепке шекемги билимлендириў шөлкеминиң рәсмий лентасы кесилип, соң имаратта жаратылған шараятлар менен жақыннан танысты. 

Мағлыўмат ушын, 120 орынға мөлшерленген, сметалық баҳасы 5млрд.388 млн сўмлық бул жаңа бақшаның имараты «Ислам раўажландырыў банки ҳәм ОПЕК халықаралық қоры қатнасында «Аўыллық жерлерди турақлы раўажландырыў» жойбары тийкарында “Қызкеткен махсус қурылыс” жуўапкершилиги шекленген жәмийети қурылысшылары тәрепинен қысқа мүддет ишинде пайдаланыўға тапсырылды.