Uchrashuv davomida deputat tomonidan 2025-yilning ikkinchi choragida olib borilgan ishlar, amalga oshirilgan tashabbuslar hamda mavjud muammolar yuzasidan axborot berildi. Hisobotda hududda ijtimoiy infratuzilmani rivojlantirish, yo‘llarni ta’mirlash, ichimlik suvi ta’minotini yaxshilash borasida ko‘rilgan chora-tadbirlar haqida atroflicha ma’lumotlar berildi.

Shuningdek, uchrashuv ochiq muloqot tarzida o‘tdi. Saylovchilar mahalladagi mavjud muammolar, taklif va mulohazalar bilan bo‘lishdi. Xususan, ichimlik suvi, elektr ta’minoti, yo‘l va transport muammolari tilga olindi. Deputat har bir murojaatni alohida qayd etib, tegishli tashkilotlar bilan birgalikda ularni hal etishga va’da berdi.

Bunday uchrashuvlar deputat va saylovchilar o‘rtasidagi ochiqlikni ta’minlash, xalq muammolarini joyida tinglash va ularni hal etish uchun muhim ahamiyatga ega.