MAHALLADA TADBIRKORLIKNI RIVOJLANTIRISH ISHLARI O‘RGANILDI 

Xalq deputatlari Quva tuman Kengashi deputati D.Sodiqova, kotibiyat bosh mutaxassisi
M.To‘xtasinov hamda “MADAD” NNT tuman vakili X.Qodirovlar Toshxovuz mahalla
fuqarolar yig‘inida aholini tadbirkorlikka keng jalb etish, kichik biznesni har
tomonlama qo‘llab-quvvatlash va yangi ish o‘rinlarini yaratish borasida hokim
yordamchisi tomonidan amalga oshirilayotgan ishlarni o‘rgandilar. 

Bunda, 2026-yilning birinchi choragida mazkur yo‘nalishda amalga oshirilgan ishlar
tanqidiy-tahliliy asosda ko‘rib chiqilib, mahallada tadbirkorlik muhitini
yanada yaxshilash, aholi bandligini ta’minlash va daromad manbalarini
kengaytirishga qaratilgan chora-tadbirlar samaradorligi muhokama etildi. Shu
bilan birga, mavjud muammolar va ularni bartaraf etish yuzasidan aniq takliflar
kiritildi. 

Shuningdek, deputat tomonidan mahallada faoliyat yuritayotgan sut mahsulotlari ishlab
chiqaruvchi “Yodgor Milk” MChJ, smetana va qaymoq mahsulotlari ishlab
chiqarishga ixtisoslashgan “G’ofurov Hurshid” YaTT hamda yumshoq mebellar va
mebel g‘iloflarini ishlab chiqarishga ixtisoslashgan “S.Begaliyev” YaTT
korxonalari faoliyati o‘rganildi. 

O‘rganish davomida mazkur korxonalarning aholi bandligini ta’minlashdagi o‘rni, yangi ish
o‘rinlarini yaratish borasidagi imkoniyatlari hamda istiqbolli rejalari
yuzasidan fikr almashildi. Aytish joizki, birgina “S.Begaliyev” YaTT
korxonasida hozirgi kunda 40 nafar yoshlar va xotin-qizlar doimiy ish bilan
ta’minlangan. 

O‘rganishlar yakunida mas’ullarga tadbirkorlik sub’ektlarini
qo‘llab-quvvatlashni yanada kuchaytirish, aholi bilan manzilli ishlashni
kengaytirish hamda har bir oilani daromadli mehnatga jalb etish bo‘yicha
tegishli tavsiya va takliflar berildi. Ko‘tarilgan masalalar esa deputat nazoratiga
olindi.