Davlatimiz rahbari Shavkat Mirziyoyev tashabbusi bilan Parkent tumanida amalga oshirilayotgan bunyodkorlik ishlari ko‘lami tobora kengayib bormoqda. Jumladan, tuman Kengashining 2026-yil 26-fevraldagi “O‘zbekiston Respublikasi Prezidentining 2024-yil 23-sentyabrdagi PQ-330-sonli qarori ijrosini ta’minlash yuzasidan tumandagi og‘ir mahallalar infratuzilmasini yaxshilash maqsadida shakllantirilgan manzilli ro‘yxatni
tasdiqlash to‘g‘risida”gi qaroriga asosan Parkent tumani “Soy” MFYdagi “Tambalak” ko‘chasida asfaltlashtirish ishlari amalga oshirilib, ichki yo‘llarning holati yaxshilandi. Mazkur ishlarning sifatli va belgilangan tartibda
bajarilgani yuzasidan hudud deputati Xikmatova Marhabo Sulxonberdi qizi tomonidan joyiga chiqib jamoatchilik nazorati o‘tkazildi. Nazorat jarayonida aholi bilan bevosita muloqot qilinib, ularning fikr va takliflari tinglandi. Suhbat davomida fuqarolar tomonidan amalga oshirilgan bunyodkorlik ishlari uchun minnatdorlik bildirilib, Prezidentimiz tomonidan olib borilayotgan oqilona siyosat, xalq farovonligi yo‘lida amalga oshirilayotgan islohotlar hamda hududlarda yaratilayotgan qulayliklardan mamnun ekanliklari ta’kidlandi.