Joriy yilning 3-oktabr kuni Xalq deputatlari Bekobod shahar kengashining navbatdagi 17-sessiyasi kun tartibida shahar Maktabgacha va maktab
ta’limi bo‘limiga qarashli ijtimoiy soha obyektlarida kuz-qish mavsumiga tayyorgarlik masalasi atroflicha muhokama etilib, bu borada amalga oshirilayotgan ishlar tanqid qilingan edi. Sessiya qarorida har bir deputat o‘z saylov okruglaridagi obyektlarni nazoratga olishi hamda kamchiliklarni bartaraf etish yuzasidan tegishli choralarni ko‘rishda ishtirok etish vazifasi yuklatilgan. Shundan kelib chiqqan holda Xalq deputatlari shahar kengashining deputati J.Usmonaliyev tomonidan 25-“Navro‘z” saylov okrugidagi 14-sonli umumta’lim maktabida o‘rganish ishlarini olib bordi. 14-maktabda 2 ta isitish qozonlari mavjud bo‘lib, barchasi soz holatga keltirilgan. Qozonxona operatorlarini o‘qitish, tegishli gaz idorasidan ruxsatnoma olish, sarflanayotgan kommunal xizmatlarni aniq miqdori va mablag‘ini har oylik monitoringini yuritish, o‘lchov asboblarini soz holatda saqlash yuzasidan tegishli ko‘rsatmalar berildi. Shuningdek, maktab oshxonasida o‘quvchilarni ovqatlanishi ham nazoratdan o‘tkazildi. Andijon mahalasida olib borilayotgan obodonlashtirish va chiqindilarni o‘z vaqtida olib chiqib ketish masalasi ham ko‘rib chiqildi.