Konimex tuman Kengashi deputatlari va O‘zbekiston Ekologik partiyasi bilan birga Prezidentimizning “Quyi bo‘g‘inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to‘g‘risida”gi PQ–5-sonli qarori ijrosi yuzasidan joylarda jamoatchilik nazorati ishlari olib borildi.

Nazorat tadbirlari davomida tumandagi suv xo‘jaligi infratuzilmasining holati, ularni zamonaviylashtirish, suv resurslaridan oqilona va tejamkor foydalanishga qaratilgan chora-tadbirlar chuqur tahlil qilindi. Jumladan, ariq va kanallarni betonlashtirish orqali suv yo‘qotilishini kamaytirish, sug‘orish samaradorligini oshirishga xizmat qiladigan amaliy ishlar o‘rganildi.