Xalq deputatlari Romitan tuman Kengashi 5 – Bog’cha saylov okrugi deputati Atoyeva Maxfirat Narzullayevna, 21- Istiqlol saylov okrugi deputati Raxmatov Nodir Zoirovich, 14 - O'zbekiston saylov okrugi deputati Cho'liyeva Feruza Baxronovna hududdagi obodonlashtirish ishlari ko‘zdan kechir.   

Katta yo‘l bo‘yidagi daraxtlar ostidagi maysalar sabza ura boshlabdi. Yog‘ayotgan yomg‘ir tomchilaridan oziqlangan
zamin allaqachon bahordan darak bera boshlagan.  

    Tabiat uyg‘onyaptimi, demak odamlar ham uyg‘onishi lozim. Atrofini, uyi, hovli joyi, ko‘chasi, qishlog‘ining obodligi, tozalik, obodonchiligi uchun hissa qo‘shmog‘i kerak.  

     Bog‘cha mahallasi qishloqlarini aylanamiz. To‘rtala qishloqda ham obodlikdan yayraydi kishi. Ayniqsa Peshko‘ tumani tomon boradigan yo‘l bo‘ylari tozalangan.  

    Aksariyat odamlarning o‘zlarida obodonchilikka ishtiyoq baland! Ularga aytishga hojat yo‘q.  

    Mehnat faxriysi, keksa muallim Bahodir Sharipov butun oilasi bilan hovli, joyi, ko‘chasi, mahallisi obodligi uchun
kuyinadiganlardan. Farzand, nevaralarini ham shunga da’vat etadi.  

   Jamshid Yodgorov, Erkin Hodiyev, Zoyir Boltayev, Bafo Teshayevlar mahallaning vijdoni hisoblanadi. Ular nainki o‘zlari boshqalarni ham tozalikka chorlagani chorlagan.  

     Lekin... Shundoqqina mahalla markazidan joy olgan, kun ora xalqimizning yaxshi kunlarida xizmat qiladigan
"Jasurbek" to‘yxonasi yon tomonida joylashgan hojatxonaning atrofi dilni xira qiladi.  

   --Ozgina vaqt beringlar, bu joy obod bo‘ladi,--deydi tadbirkor. 

          Garansho
qishlog‘idagi Zokir Avezov xonadoni oldidagi axlat uyumi ta’bni xira qiladi.  

    Katta yo‘l bo‘yidagi Qandiyor Bozorov xonadonida qurilish ishlari olib borilayotgan ekan. Ortiqcha axlatlarni
tezda olamiz, deyishdi xonadon egalari.  

    Ichki suv yo‘llarini tozalashda chiqarilgan tuproqlar ham yo‘llarga tashlangani dilni xira qiladi.  

   --Bularning barchasi ma’lum fursatlarda qilinadigan ishlar,--dedi mahalla raisi Iso Mavlonov.  

    --Bahor yaqin, uyg‘oning!--deydi keksa bog‘bon Hojiqurbon Tohirov.  

    Biz butun mahalla ahlini obodlikka, tozalikka da’vat etamiz.