Deputatlar terimchilar mehnatini qadrladilar 

Quva tumanida joriy yilgi paxta terimi qizg‘in pallaga kirgan. 

Hozirgi kunda tumandagi 5000 gektar
maydondan belgilangan 21 900 tonna hosil rejasining 12 357 tonnasi terib olindi.
Bu umumiy rejaning 56,4 foizini tashkil etadi. 

Terim jarayonlarini qo‘llab-quvvatlash
va fidokor mehnatkashlarni rag‘batlantirish maqsadida paxta maydonlariga xalq deputatlri
Quva tuman kengashi deputatlari amaliy tashrif uyushtirdilar. 

Deputatlar hususan, Oqqo‘rg‘on
MMTP hududidagi “Sardorbek Samoilbek” fermer xo‘jaligi hamda Dehqonobod MMTP hududidagi
“Ishonch zamini” fermer xo‘jaligida bo‘lib, terim jarayoni bilan tanishdilar. 

Mehnatda faolligi va mas’uliyati
bilan ajralib turgan namunali terimchilar alohida e’tirof etildi. Deputatlar ularning
samarali mehnatini qadrlab, ularga esdalik sovg‘alarini topshirdilar. 

Terimchilar bunday e’tibor va rag‘batdan
mamnun ekanliklarini bildirib, yanada jonbozlik bilan ish olib borishga tayyor ekanliklarini
ta’kidladilar. Shuningdek, deputatlar tomonidan terim jarayonini tez va sifatli
tashkil etish, terimchilar uchun qulay shart-sharoit yaratish bo‘yicha fermer xo‘jaligi
rahbarlariga tavsiyalar berdilar.