O‘zbekiston Respublikasi Prezidentining 2025-yil 15-maydagi PQ-156-sonli "2025–2030 yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida"gi qarori ijrosini ta'minlash maqsadida, "Adolat" sotsial-demokratik partiyasi deputatlik guruhi tomonidan tuman tibbiyot birlashmasiga qarashli ko‘p tarmoqli markaziy poliklinikadagi onkologiya bo‘limi faoliyati o‘rganildi. O‘rganish davomida deputatlar onkologiya bo‘limining moddiy-texnik bazasi, tibbiy xizmat ko‘rsatish sifati, bolalar onkologiyasi bo‘yicha amalga oshirilayotgan profilaktik ishlar, shuningdek, mavjud muammolar va ularning yechimlari bo‘yicha mutaxassislar bilan suhbatlar o‘tkazdi. Deputatlar aholi, ayniqsa, bolalar salomatligini muhofaza qilish va saraton kasalliklarini erta aniqlashda
birlamchi tibbiy xizmat muassasalari zimmasiga katta mas’uliyat yuklatilayotganini ta’kidladi. Shu
boisdan, bo‘lim faoliyatini zamonaviy talablar asosida takomillashtirish, tibbiyot xodimlarini malakasini oshirish va zamonaviy diagnostika vositalari bilan ta’minlash zarurligi qayd etildi.