Nurobod mahallasida saylovchilar bilan uchrashuv o‘tkazildi

✅Xalq deputatlari Shirin Sirdaryo viloyati Kengashi deputati
B. Sobirov hamda Xalq deputatlari Shirin shahar Kengashi deputati M. Salimova tomonidan Nurobod mahallasida saylovchilar bilan uchrashuv o‘tkazildi.

✅Uchrashuv davomida fuqarolarning murojaat va takliflari tinglanib, mahalladagi mavjud muammolar yuzasidan fikr almashildi. Xususan, aholi tomonidan maishiy chiqindilar o‘z vaqtida olib ketilmayotgani, buning natijasida ayrim hududlarda chiqindilar to‘planib qolayotgani, sanitariya holatiga salbiy ta'sir ko‘rsatayotgani hamda bu boradagi xizmatlar sifatini yaxshilash zarurligi ta'kidlandi.

✅Shuningdek, hududni obodonlashtirish, ko‘cha yoritish tizimini yaxshilash va boshqa ijtimoiy masalalar yuzasidan ham taklif hamda murojaatlar bildirildi.

✅Uchrashuv yakunida ko‘tarilgan masalalar tegishli tartibda ro‘yxatga olinib, mas'ul tashkilotlar bilan hamkorlikda ularni bartaraf etish yuzasidan amaliy choralar ko‘rilishi hamda ijrosi deputatlik nazoratiga olinishi belgilandi.