«ҚУТЛУҒТОЛ» МАҲАЛЛАСИДА ОБОДОНЛАШТИРИШ ИШЛАРИ ДАВОМ ЭТМОҚДА
«Оғир маҳалла» сифатида танлаб олинган Қутлуғтол маҳалла фуқаролар йиғини ҳудудида инфратузилмани яхшилаш, аҳоли учун муносиб турмуш шароитларини яратиш ҳамда маҳалла қиёфасини янада обод қилиш бўйича амалий ишлар изчил давом эттирилмоқда.
Айни пайтда туман ҳокими, Халқ депутатлари Янгиқўрғон тумани Кенгаши депутати Асадулла Нажмиддинов бошчилигида маҳалла еттилиги ва тегишли ташкилотлар раҳбарлари иштирокида ҳудудда амалга оширилаётган ободонлаштириш, тозалаш ҳамда бунёдкорлик ишлари кўздан кечирилди.
Маҳаллада ички йўлларни асфальтлаш ишлари олиб борилмоқда. Шунингдек, кўчалар ва хонадонлар атрофини ободонлаштириш, ҳудуднинг санитария ҳолатини яхшилашга алоҳида эътибор қаратилмоқда.
Ўрганиш жараёнида Асадулла Нажмиддинов масъулларга ишларни сифатли ва жадал ташкил этиш, кўчалар ҳамда хонадонларни ободонлаштириш тадбирларини янада кучайтириш юзасидан тегишли топшириқ ва кўрсатмалар берди.