Bugungi kunda hududlarni kompleks rivojlantirish, aholi muammolarini joyida hal etish va ochiq boshqaruv tizimini shakllantirishda davlat organlari bilan nodavlat notijorat tashkilotlari (NNT) o‘rtasidagi hamkorlik alohida ahamiyat

kasb etmoqda. Ayniqsa, Xalq deputatlari Kengashi va Madad NNTlar o‘rtasidagi tizimli hamkorlik hududlarda ijtimoiy-iqtisodiy barqarorlikni mustahkamlashga xizmat qiladi. 

Hamkorlikning huquqiy asoslari 

O‘zbekistonda fuqarolik jamiyatini rivojlantirish, jamoatchilik nazoratini kuchaytirish va davlat organlari faoliyatining ochiqligini ta’minlash bo‘yicha qator normativ-huquqiy hujjatlar qabul qilingan. Jumladan, “Nodavlat notijorat tashkilotlari to‘g‘risida”gi va “Jamoatchilik nazorati to‘g‘risida”gi qonunlar NNTlarning davlat boshqaruvidagi ishtirokini mustahkamlab beradi. 

Shu asosda Xalq deputatlari Kengashlari doimiy komissiyalari faoliyatiga Madad NNT vakillarini jalb etish, eshituv va muhokamalarda ularning takliflarini inobatga olish amaliyoti yo‘lga qo‘yilmoqda. 

Amaliy hamkorlik yo‘nalishlari 

Madad NNT va Xalq deputatlari tuman Kengashi o‘rtasidagi hamkorlik quyidagi yo‘nalishlarda samarali natija erishish rejalashtirilgan:  

Hududiy dasturlarni ishlab chiqish va monitoring qilish

Ijtimoiy-iqtisodiy rivojlantirish dasturlarini tayyorlashda NNTlarning

tahliliy xulosalari va jamoatchilik fikri muhim o‘rin tutadi. 

Ijtimoiy himoya va aholi bilan ishlash

Kam ta’minlangan oilalar, nogironligi bo‘lgan shaxslar, yoshlar va

xotin-qizlar bilan ishlashda NNTlar amaliy ko‘mak beradi. 

Ekologiya va atrof-muhitni muhofaza qilish

Hududlarda ekologik muammolarni aniqlash va bartaraf etishda jamoatchilik tashabbuslari qo‘llab-quvvatlanadi.  

Jamoatchilik eshituvlari va ochiq muloqotlar Kengash sessiyalari oldidan muhim masalalar bo‘yicha NNTlar ishtirokida ochiq muhokamalar tashkil etiladi, Hamkorlik natijasida qarorlar qabul qilishda shaffoflik ortadi, aholining ishonchi mustahkamlanadi, muammolarni aniqlash va hal etish tezlashadi, jamoatchilik nazorati samaradorligi oshadi 

Xulosa qilib aytganda 

Madad NNT va Xalq deputatlari Kengashi o‘rtasidagi hamkorlik — bu davlat va jamiyat o‘rtasidagi ishonch ko‘prigidir.

Mazkur hamkorlikni yanada rivojlantirish orqali hududlarda barqaror taraqqiyotga erishish, aholi farovonligini oshirish va ochiq boshqaruv tamoyillarini mustahkamlash mumkin.