Xalq deputatlari tuman Kengashining navbatdagi yigirma beshinchi sessiyasi bo‘lib o‘tdi. Unda xalq deputatlari tuman Kengashi deputatlari, tuman hokimining o‘rinbosarlari, kun tartibidagi masalalarga aloqador davlat va jamoat tashkilotlari vakillari ishtirok etdi.

Sessiya ishida O‘zbekiston Respublikasi Prezidentining 2024-yil 4-apreldagi “Mehnat migrasiyasi jarayonlarini takomillashtirish hamda xorijda vaqtincha mehnat faoliyatini amalga oshirayotgan shaxslarni qo‘llab-quvvatlashga doir qo‘shimcha chora-tadbirlar to‘g‘risida”gi PF-59-son Farmonining tumanda ijrosini ta’minlash yuzasidan 2025-yilning o‘tgan to‘rtinchi choragi mobaynida amalga oshirilgan ishlar to‘g‘risida; 

tumanda 2025-yilning o‘tgan to‘rtinchi choragi mobaynida mahalliy byudjet daromadlarining bajarilishi holati va qo‘shimcha rezervlarni aniqlash bo‘yicha qilingan ishlar, shuningdek soliqlar va boshqa majburiy to‘lovlar kesimida byudjetga hisoblangan va amalda to‘langanligi hamda ular bo‘yicha soliq qarzdorligi to‘g‘risida;

O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son Qarorining ijrosi yuzasidan tumanda 2025-yilning o‘tgan to‘rtinchi choragida kambag‘allikni qisqartirish va aholi turmush farovonligini oshirish borasida amalga oshirilgan ishlar hamda maqsadli ko‘rsatkichlar bajarilishi holati to‘g‘risida;

“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid Davlat dasturi doirasida tumanda 2025-yilning o‘tgan to‘rtinchi choragida amalga oshirilgan ishlar to‘g‘risida;

O‘zbekiston Respublikasi Prezidentining 2025-yil 1-apreldagi “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ-133-son qarori ijrosi yuzasidan 2025-yilning o‘tgan to‘rtinchi choragida tumanda muqobil energiya manbalaridan foydalanishni joriy etish va energiya samaradorligini oshirish bo‘yicha amalga oshirilgan ishlar to‘g‘risida;

“Kambag‘allikdan farovonlik sari” dasturi doirasida tumanda 2025-yilning to‘rtinchi choragi mobaynida tomorqa yerlarini sug‘orishni yaxshilash yuzasidan amalga oshirilgan ishlarning borishi to‘g‘risida;

tumanda “Saxovat va ko‘mak” jamg‘armasida shakllangan umumiy mablag‘lar doirasida amalga oshirilgan ishlar to‘g‘risidagi va boshqa masalalar ko‘rib chiqildi.

Sessiya yakunida ko‘rib chiqilgan masalalar yuzasidan xalq deputatlari tuman Kengashining tegishli qarorlari qabul qilindi.