Xalq deputatlari Surxondaryo viloyati deputati Saidov Ma'rufjon Abduqayimovich hamda tuman Kengashi deputati Qulliyev Ergash Yuldashevichlar tomonidan Angor tumani "Bahor" mahallasida saylovchilar bilan navbatdagi uchrashuv tashkil etildi. Uchrashuv davomida mahalla aholisi bilan ochiq muloqot tashkil etilib, fuqarolarni qiziqtirgan ijtimoiy-iqtisodiy masalalar, jumladan, infratuzilmani yaxshilash, bandlik, kommunal xizmatlar sifati hamda boshqa dolzarb masalalar muhokama qilindi. Saylovchilar tomonidan bildirilgan taklif va murojaatlar deputatlar tomonidan diqqat bilan tinglanib, ularning yechimi yuzasidan tegishli choralar koʻrilishi qayd etildi. Mazkur uchrashuv aholi bilan bevosita muloqotni kuchaytirish, fuqarolarning muammolarini joyida oʻrganish va ularni hal etishga qaratilgan muhim tadbirlardan biri bo‘ldi.