G‘azal mulkining sultoni — Alisher Navoiy 📌

Buyuk mutafakkir va davlat arbobi Alisher Navoiy tavalludi munosabati bilan 1-sonli umumiy o‘rta ta’lim maktabida ma’naviy-ma’rifiy tadbir tashkil etildi.

Tadbir Xalq deputatlari Namangan shahar Kengashi deputatlari Sherzod Sadikov va Shahnoza To‘raboeva tashabbusi bilan o‘tkazildi. Unda maktab ma’muriyati, o‘qituvchilar hamda o‘quvchilar faol ishtirok etdi.

Tadbir davomida o‘quvchilar tomonidan Alisher Navoiy g‘azallari ifodali o‘qildi, sahna ko‘rinishlari va badiiy chiqishlar namoyish etildi. Ushbu uchrashuv yoshlar qalbida milliy g‘urur, ona tiliga muhabbat va ajdodlar merosiga hurmat tuyg‘ularini mustahkamladi.