Oʻzbekiston Ekologik partiyasi tuman Kengashi raisi, tuman Kengashi deputati Y.Safarov hamda Jizzax viloyati hokimligi huzuridagi tuman bogʻlar va xiyobonlarni koʻkalamzorlashtirish, obodonlashtirish va saqlash departamenti masʼullari tomonidan tuman markazida joylashgan xiyobon sayilgohiga ekilgan manzarali koʻchatlar holati boʻyicha monitoring oʻtkazildi.

Monitoring jarayonida mazkur hududga jami 688 tup, 15 xil turdagi manzarali koʻchatlar ekilgani aniqlandi. O‘rganishlar natijasida barcha ko‘chatlarning holati yaxshi ekani, sug‘orish ishlari tizimli ravishda amalga oshirilayotgani hamda ularni saqlash va parvarishlash ishlari belgilangan talablar asosida olib borilayotgani qayd etildi.

Shuningdek, hozirgi kunda ekilgan ko‘chatlarni parvarishlash ishlari malakali mutaxassislar tomonidan amalga oshirilayotgani va mazkur jarayon doimiy nazoratga olingani maʼlum bo‘ldi.