Prezident Murojaatnomasi ijrosi doirasida deputat A. Abdullayev tomonidan joylarda o‘rganishlar o‘tkazilmoqda

O‘zbekiston Respublikasi Prezidenti Shavkat Miromonovich Mirziyoyevning Oliy Majlis va O‘zbekiston xalqiga yo‘llagan Murojaatnomasida belgilangan vazifalar ijrosi doirasida hududlarda aholi turmush sharoitlarini yaxshilash va mahallalar infratuzilmasini mustahkamlash maqsadida Xalq deputatlari Termiz tuman Kengashi deputati A. Abdullayev va mahalla “yettiligi” a’zolari, mahalla faollari hamda aholi vakillari jalb etilib joylarda o‘rganishlar amalga oshirilmoqda.

O‘rganishlar davomida infratuzilma obyektlarining texnik holati, kommunal xizmatlar sifati hamda obodonlashtirish ishlari tahlil qilinib, fuqarolar bilan uchrashuvlar orqali ularning muammo va takliflari tinglanmoqda.

O‘rganishlar davomida aniqlangan masalalar bo‘yicha tegishli mas’ul idoralarga zarur ma’lumotlar va takliflar kiritish, muammolarni hal etish yuzasidan aniq mexanizmlar ishlab chiqish, shuningdek, belgilangan chora-tadbirlar ijrosini doimiy nazoratga olish rejalashtirilgan. Zarur hollarda deputatlik so‘rovlari orqali muammolarning o‘z vaqtida va samarali yechim topishiga erishish ko‘zda tutilmoqda.

Mazkur o‘rganishlar Prezidentimizning Murojaatnomasida belgilangan “inson manfaatlari – eng oliy qadriyat” tamoyilidan kelib chiqib, mahallalarni kompleks rivojlantirish, aholi farovonligini oshirish hamda joylarda ochiq va samarali boshqaruvni ta’minlashga xizmat qilmoqda.