🔹Unda viloyat hokimi maslahatchisi Yusufjon Kamolov, tuman hokimi Qodirjon Erkaboyev, tuman prokurori O‘ktamjon Yo‘lchiyev, ichki ishlar bo‘limi boshlig‘i Ilhomjon Ishanqulov, viloyat Kengashi deputati Sattarxo‘ja Akbarov, tuman Kengashi deputatlari, viloyat ichki ishlar boshqarmasi mas’ullari, mahalla fuqarolar yig‘inlari raislari, profilaktika inspektorlari, hokim yordamchilari, yoshlar yetakchilari va xotin-qizlar faollari ishtirok etdi. 

🔹Seminarda mazkur qarorning mazmun-mohiyati, qaror ijrosi doirasida mahalla yettiligi zimmasiga yuklatiladigan ustuvor vazifalar, mahallalarda
xavfsiz muhit yaratish va huquqbuzarliklarning barvaqt oldini olish tizimi samaradorligini oshirish bo‘yicha manzilli chora-tadbirlar dasturi xususida ma’ruzalar tinglandi. 

🔹Qayd etilganidek, 2025-yilda amalga oshirilgan tizimli ishlar natijasida mahallalarda jinoyatchilik 1,5 baravarga kamaygan. Yangi hujjat
esa bu natijani mustahkamlash va sohani to‘liq raqamlashtirish orqali “jinoyatdan xoli hudud” konsepsiyasini hayotga tatbiq etishga qaratilgan. 

🔹Yangi qaror — bu “xavfsiz mahalla” konsepsiyasining amaliy ifodasidir. Endilikda xavfsizlik uchun nafaqat soha xodimlari, balki hokimlikdan
tortib ilmiy muassasalargacha bo‘lgan barcha bo‘g‘inlar birdek javobgar bo‘ladi. Bu esa har bir fuqaroning o‘z mahallasida xotirjam va farovon yashashiga xizmat
qiladi. 

🔹Seminar yakunida mahalladagi vakillarning mazkur qarordan kelib chiqadigan vazifalari va ularning ijrosi bilan bog‘liq savollariga batafsil
javob berildi. 

                                                                                                                                                                         Xalq deputatlari Uchko‘prik tumani Kengashi kotibiyati