Қарақалпақстан Республикасы Жоқарғы Кеӊесине 64-«Қаракөл» округинен депутат А.Жуманазаровтыӊ сайлаўшылар менен ушырасыўы «Мәденият» аўыл пуқаралар жыйынында даўам етти. Онда районлық Кеӊеске аймақтан сайланған депутат С.Сайымова, район ҳәкими орынбасары Ж.Адилбаев, «Адолат социал-демократиялық партиясы районлық Кеңеси баслығы Д.Хожанов, мәкеме, шөлкем ўәкиллери, мәҳәлле белсендилери, аймақ турғынлары қатнасты. Депутат А.Жуманазаров 2025-жылдыӊ биринши шереги даўамында өз искерлиги бойынша әмелге асырған жумыслары ҳаққында сайлаўшыларға есабаты ҳәм жаӊадан қабыл етилген нызам ҳәм қарарлар, мәмлекетлик бағдарламаларда белгиленген ўазыйпалар, аймақта ислениўи белгиленген жумыслар менен таныстырды. Ушырасыўда аймақ турғынларыныӊ мүрәжат ҳәм пикир-усыныслары депутатлар тәрепинен үйренилип, орынланыўы бойынша ўазыйпалар белгиленди.