☄️ Bugun Boysun tuman Elektr ta’minoti korxonasida Xalq deputatlari tuman Kengashi, tuman prokuraturasi, tuman ichki ishlar bo‘limi hamda korxona rahbari va xodimlari ishtirokida “Korrupsiyaga qarshi kurashish – barchamizning burchimiz” mavzusida davra suhbati tashkil etildi.

🔂 Davra suhbatidan asosiy maqsad elektr energiyasi ta’minoti sohasidagi amalga oshirilayotgan islohotlar, olib borilayotgan profilaktik tadbirlar to‘g‘risida ma’lumotlarni soha xodimlariga yetkazish, ular orasida huquqbuzarliklarni oldini olish ekanligi alohida ta’kidlandi.

🔂 Mas’ullar o‘z so‘zida, - Bugungi kunda soha xodimlari uchun yaratilayotgan sharoitlar, ularning ijtimoiy himoyasiga qaratilgan e’tibor, sohaga jadal tusda tatbiq etilayotgan raqamlashtirish jarayonlarining barchasi, birinchi navbatda, sohani korrupsiyadan holi tizimga aylantirish uchun xizmat qilishi xususida to‘xtaldilar.

🔂 Mutaxassislarning huquqiy ongini oshirish juda muhim ekanligi, ularning qonunlarni bilmasligi oqibatida muammolarga duch kelib qolmasliklari uchun mamlakatimizda targ‘ibot-tashviqot ishlari yaxshi yo‘lga qo‘yilganligi, fuqarolarimiz uchun barcha hujjatlar bo‘yicha ma’lumotlarni olish va o‘rganish uchun imkoniyatlar mavjudligini va bu borada talay ishlar amalga oshirilayotganligini haqida ma’lumotlar berib o‘tildi.

🔂 Uchrashuv so‘nggida, mutaxassislarning bildirilgan fikr-mulohaza va takliflari tinglandi hamda tuman elektr ta’minoti korxonasi rahbari Yusuf Aliyev tomonidan korxona xodimlarining huquqiy bilimlarini oshirish maqsadida O‘zbekiston Respublikasi Konstitutsiyasi kitoblar to‘plami tarqatildi.