Deputatlik so‘rovi asosida muammo ijobiy hal etilmoqda

Zangiota tumani Kengashi deputati A.Kudayberganova tomonidan “Toshkent elektr tarmoqlari” AJ Zangiota tuman elektr ta’minoti korxonasi rahbariga tegishli masala yuzasidan rasmiy deputatlik so‘rovi yuborilgan edi.

O‘rganishlar davomida mazkur hududda yo‘lni kengaytirish ishlari rejalashtirilgani, biroq yo‘l qismida joylashgan elektr uzatish tarmog‘i tayanch ustuni qurilish ishlarini to‘liq yakunlashga to‘sqinlik qilayotgani hamda harakat xavfsizligiga ma’lum xavf tug‘dirayotgani aniqlandi.

Hozirda deputat A.Kudayberganova hamda elektr tarmoqlari xodimlari ishtirokida mazkur masalani bartaraf etish bo‘yicha amaliy ishlar olib borilmoqda.

Fuqarolar murojaatlarini o‘rganish, muammolarni joyida hal etish va aholi manfaatlarini himoya qilish deputatlik faoliyatining ustuvor yo‘nalishlaridan biridir.