Xalq deputatlari Xorazm viloyati Kengashi kotibiyati mudiri U.Kuryazov, viloyat Kengashi deputati S.Sadikov Xonqa tumanidagi “Tayanch” MFYda bo‘lib, “Mahalla yettiligi” a’zolari bilan samimiy va amaliy muloqot o‘tkazdilar.

📌 Uchrashuvda muhokama qilingan asosiy masalalar:
Aholi murojaatlari bilan ishlash va ularni tezkor hal etish;
Ijtimoiy muammolarni o‘z vaqtida aniqlash hamda bartaraf etish;
Yoshlar va xotin-qizlar bilan manzilli ishlash va bandlikni ta’minlash;
Huquqbuzarliklarning oldini olish va obodonlashtirish ishlarini jadallashtirish.

💬 Muloqot davomida “Mahalla yettiligi” faoliyatini yanada samarali tashkil etish, sektorlar va mas’ul tashkilotlar bilan hamkorlikni kuchaytirish yuzasidan zarur tavsiya hamda ko‘rsatmalar berildi.

🛣 Aholi murojaati e’tiborda: Uchrashuv davomida fuqarolar tomonidan mahalladagi 1 km uzunlikdagi tuproq yo‘lni shag‘allashtirish bo‘yicha murojaat kelib tushdi. Ushbu masalani tez fursatda va sifatli hal etish bo‘yicha tegishli mas’ullarga topshiriqlar berilib, ijrosi nazoratga olindi.

💡 Eslatib o‘tamiz: Mahalla taraqqiyoti — tizimli hamkorlik, ochiq muloqot va jamoaviy mas’uliyat orqali ta’minlanadi.