2026-jıl 14-iyul kúni Xalıq deputatları Taxtakópir rayonlıq Keńesi baslıǵı A.Reyov, sekretariat baslıǵı T.Jusipov hám de rayonlıq Keńes deputatları S.Kayrzaeva, Q.Jalievler birgelikte rayondaǵı
IT tarawın rawajlandırıw, jaslardı málimleme texnologiyalarına keńnen tartıw hám bar oqıw orayınıń jumısı menen jaqınnan tanısıw maqsetinde orınlarǵa shıqqan halda úyreniw ótkerildi.
Úyreniw dawamında orayda jaratılǵan sharayatlar, kompyuter texnikası menen támiyinlengenlik dárejesi, oqıw processleriniń shólkemlestiriliwi hám jaslardı zamanagóy kásip-óner hám sanlı texnologiyalarǵa oqıtıw boyınsha ámelge asırılıp atırǵan jumıslar kózden ótkerildi.
Sonday-aq, oraydıń jumısın bunnan bılay da jetilistiriw, materiallıq-texnikalıq bazasın bekkemlew hám bilimlendiriwdiń sapasın arttırıw boyınsha juwapkerler menen pikir alısılıp, tiyisli usınıslar berildi.
✅ Deputatlar tárepinen bunday úyreniwler xalıqtıń, ásirese jaslardıń zamanagóy bilim hám kónlikpelerge ie bolıwın támiyinlewge qaratılǵan jumıslardı ele de nátiyjeli shólkemlestiriwge xızmet etedi.